Бүгін Қазақстан Республикасының Кәсіподақтар федерациясының конференц-залында «Астана қаласының Үздік жас педагогы» байқауы қорытындыланды.
Байқаудың мақсаты — педагог мәртебесін арттыру, білім қызметкерлерінің әлеуметтік-экономикалық және еңбек құқықтары мен мүдделерін қорғау жөніндегі Кәсіподақтың қоғамдағы рөлін арттыру, педагогикалық кәсіптің маңыздылығы мен беделін арттыру, жас педагогтардың шығармашылық қырын ашу, тәжірибе алмасуға жағдай жасау және педагогикалық бастамаларды дамытуға ықпал ету.
Байқауға Астана қаласының білім беру ұйымдарынан 100-ге жуық жас педагог қатысты.
Байқауға қатысушылар білім беру саласына жаңалықтар енгізу, жас педагогтарды ынталандыру, кәсіподақ жұмысының тиімділігі туралы эссе жазды. Сонымен қатар қатысушылар өз пәні бойынша жаңартылған әдіспен сабақ үйрету барысын бейнежазбаға түсіріп, ұсынды.
Іс-шарада Астана қаласының білім беру қызметкерлері кәсіподағының төрағасы Батыр Әлиев байқаудың жоғары деңгейде өткенін және жас педагогтардың белсенді қатысқанын атап өтті.
Сонымен қатар кәсіподақ мүшелерінің әлеуметтік-экономикалық, еңбек құқығы мен мүдделерін қорғауға бағытталған жұмыстар одан әрі жалғасатынын және жас педагогтарды ынталандыру бойынша байқаулардың жалғасатынын айтты.
Байқауға белсенді қатысқандар кәсіподақтың Жастар кеңесінің құрамына қосылады.
Сөз соңында байқауға белсенді қатысқан жас педагогтарға алғысын білдірді. Жұмыстарына сәттілік тілей отырып байқау нәтижесін жариялады.
Байқау қорытындысы:
I орын (50 000 теңге сертификат) – Ақтас Гүлсезім Қаныбекқызы, №66 мектеп-лицейі.
II орын (35 000 теңге сертификат) – Сәбитхан Диана Әділқызы, №89 «Қыз Жібек» балабақшасы.
II орын (35 000 теңге сертификат) – Төлеу Раушангүл Серікқызы, №55 орта мектебі.
III орын (25 000 теңге сертификат) – Алимбекова Гауһар Абылхасымқызы, №27 мектеп-лицейі.
III орын (25 000 теңге сертификат) – Тілек Жанар Бөкенбайқызы, №2 Оңалту орталығы.
III орын (25 000 теңге сертификат) – Ибрагимова Гүлмарал Уәлиханқызы, №51 мектеп-гимназиясы.
Белсенді қатысқан жас педагогтарға Байқау Ережесіне сәйкес келесі номинациялар табысталды:
«Үздік эссе» номинациясы (15 000 теңге сертификат) – Рәт Ақерке Нұрланқызы, №8 мектеп-лицейі;
«Үздік бейнеролик» номинациясы (15 000 теңге сертификат) – Островская Анастасия Сергеевна, № 34 «Ақ бидай» балабақшасы;
«Креативті педагог» номинациясы (15 000 теңге сертификат) – Аманжан Назерке Мауленқызы, №88 мектеп-лицейі;
«Белсенді қатысушы» номинациясы (15 000 теңге сертификат) – Мұқатова Айменді Жақсыгелдіқызы, №68 мектеп-гимназиясы.