Бүгін Нұр-Сұлтан қаласының "Әділет" білім беру қызметкерлері кәсіподағы Нұр-Сұлтан қаласының Білім басқармасымен бірлесіп мектепке дейінгі білім беру ұйымдарындағы еңбек қатынастары және білім беру саласындағы құқықтық нормативтік актілерді практикалық қолдану тақырыбында онлайн семинар өткізді.
Семинарға Білім басқармасының өкілдері, "Әділет" Кәсіподағының төрағасы Батыр Әлиев, Нұр-Сұлтан қаласының балабақша меңгерушілері, бухгалтерлері және іс жүргізушілері қатысты.
Батыр Әлиев "Әділет" Кәсіподағымен атқарылып жатқан жұмыстар, ұжымдық шарттың нормалары, еңбек заңнамасын сақтау бойынша қоғамдық бақылау, кәсіподақ мүшелеріне матриалдық көмек көрсету, білім саласындағы нормативтік құқықтық актілер туралы ақпарат берді.
Сонымен қатар еңбек заңнамасының нормалары, "Білім туралы" және "Педагог мәртебесі туралы" Заңдары, педагогтерге оның ішінде методистерге еңбекақы төлеу жүйесіндегі қосымша төлемақылардың жаңа түрлері, білім жүйесінің құқықтық заңнамалық актілері талқыланды.
Және тәрбиешілердің максималды оқу жүктемесі және қызметкерлерге нақты жүктеме мөлшерінде сауықтыру төлемдерін төлеу мәселелері де талқыланды.
Сондай-ақ, ҚР Білім және ғылым министрлігі мен Қазақстандық салалық білім және ғылым қызметкерлері кәсіподағы арасындағы Салалық келісім, Нұр-Сұлтан қ. Білім басқармасы мен "Әділет" Кәсіподағы арасындағы Аумақтық келісім және ұжымдық шарттардың нормалары түсіндірілді.
Кездесу соңында қатысушылар қызықтырған сұрақтарына жауаптар алып, алғыстарын білдірді. Іс-шара еркін диалог форматында жүргізілді.
