Сіздерді оқу жылының аяқталуымен құттықтаймыз!
«Ұстаздық етпес жалықпас үйретуден балаға» демекші Сіздер ашық-жарқын көңілдеріңізбен оқушылардың жан дүниесін нұрландырып, жеке тұлға болып қалыптасуы үшін тер төгіп келесіздер. Ахмет Байтұрсынов «мұғалім — мектептің жаны» деп бағалаған. Шәкірт тәрбиелеп, елдің болашағын қалыптастыруға жұмсаған еңбектеріңіз ешнәрсемен өлшенбейді.
Білім теңізінде қанаттанған әрбір адам баласы ұстазымен мақтанатыны сөзсіз.
Аяулы ұстаздар! Еңбектеріңіз бен үміттеріңізді ақтайтын, еліміздің көк туын желбірететін шәкірттеріңіз көп болсын!
Шәкірт тәрбиелеу жолындағы адал еңбектеріңізге алғыс айта отырып Сіздерге зор денсаулық, қажымас қайрат, шығармашылық табыс тілейміз.
Мерейлеріңіз үстем болсын!
Нұр-Сұлтан қ. «Әділет» білім беру қызметкерлері кәсіподағы.