«Жаста берген тәрбие, жас шыбықты игендей» демекші, баланың санасына ілім-ғылымды неғұрлым көбірек сіңірсек, болашағынан зор үміт күттіреді.
Мемлекет басшысы Қасым-Жомарт Тоқаевтың 2022 жылды «Балалар жылы» деп жариялады.
Болашақ ұрпаққа дұрыс бағдар беру, қорғау секілді жұмыстар негізге алыну керек деген сөз. Бұл мектеп оқушысы, жас түлек, студент әрі қарай жас маман атанатын әр балаға жан-жақты қолдау білдірумен тығыз байланысты. Ал оның тұлға болып қалыптасу үшін алдымен орнықты қызмет қажет. Осыған байланысты «Әділет» Кәсіподағы № 46 мектеп-гимназия-балабақша кешенінің жоғары сынып оқушыларына кәсіптік бағдар беру сабағын өткізуге қатысты.
Сабақтың мақсаты:
- оқушыларға құқықтық еңбек қатынастары туралы түсінікті және еңбек шартының тараптарын білу;
- кәмелетке толмағандарды еңбек құқықтары мен міндеттерімен таныстыру;
- кәсіподақтың еңбек қатынастарын реттеудегі рөлімен таныстыру;
- оқушылар арасында жұмысқа және кәсіподаққа деген оң көзқарасты қалыптастыру.
Сабақ барысында Батыр Әлиев оқушыларға Қазақстан Республикасының заңнамасын таныстырды. Сондай-ақ, жұмыс беруші мен жұмысшының құқықтары мен міндеттерін түсіндірді.
Сонымен қатар кәсіподақтың еңбек қатынастарын реттеудегі қызметін, кәсіподақ ұйымының жұмысына азаматтардың қатысуының маңыздылығын, оқушылардың азаматтық позициясын арттыру туралы айтты.
Жұмыс барысында жастардың өз құқықтары мен міндеттерін білуі және құқығын қорғай алуы маңызды.
«Әділет» Кәсіподағы мектеп директоры Р. К. Каскабаеваға, директордың орынбасары М. П. Сералиеваға, сондай-ақ мектеп ұжымына сабақты ұйымдастырғаны үшін ерекше алғыс білдіреді.
«Әділет» Кәсіподағының сабақ өткізуі оқушылардың құқықтарын, сондай-ақ жұмысшылардың әлеуметтік және еңбек құқықтарын қорғаудағы кәсіподақ ұйымының рөлі мен маңыздылығын түсіндіруге көмектесетіні жақсы дәстүрге айналады деп сенеміз.
«Әділет» Кәсіподағы 2022 жылы бірқатар білім беру ұйымдарында кәсіптік бағдар беру сабақтарын өткізуді жоспарлап отыр.