27 маусым мен 1 шілде аралығында Павлодар облысының білім және ғылым қызметкерлері кәсіподағының ұйымдастыруымен Coworking forum «KASIPODAQ. JAS USTAZ» атты жазғы жастар лагері өтті.
«Әділет» Кәсіподағының Павлодар облыстық ұйымымен қол қойған ынтымақтастық туралы меморандум аясында «Әділет» Кәсіподағының белсенді Жастар кеңесінің мүшелері жоғарыда аталған жастар лагеріне қатысты.
Аталған форум Павлодар облысы Баянауыл ауданы Жасыбай өзенінің жағасында орналасқан «Жан» демалыс орнында ұйымдастырылды.
Шараның мақсаты — білім қызметкерлерінің әлеуметтік-экономикалық және еңбек құқықтары мен мүдделерін қорғау жөніндегі Кәсіподақтың қоғамдағы рөлін арттыру, педагог мәртебесін арттыру, жас педагогтардың шығармашылық қырын ашу, тәжірибе алмасуға жағдай жасау және педагогикалық бастамаларды дамытуға ықпал ету.
Форумға «Әділет» Кәсіподағынан Жастар кеңесінің төрағасы Асан Бітімбай, Жастар кеңесінің мүшелері: № 78 мектеп-гимназия директорының орынбасары Елжан Назаров, № 57 орта мектептің қазақ тілі және әдебиеті пәнінің мұғалімі Меңсұлу Еңбекші, № 62 «Нұрсәуле» балабақшасының тәрбиешісі Дәуіргүл Женисхан қатысты.
Демалыс орнына орналасқаннан кейін қатысушылар бірнеше топтарға бөлініп, бекітілген бағдарлама бойынша өз жұмыстарын бастап кетті.
Шараның ашылу салтанатына Қазақстандық салалық білім және ғылым қызметкерлері кәсіподағының төраға орынбасары Алия Абиева, Павлодар облыстық ұйымының төрағасы Гүлбарам Науразбаева, Баянауыл ауданы әкімінің орынбасары Самал Кадырова қатысты.
Форум барысында «Стратегиялық сессия. Модульдік топтар жұмысының басымдықтарын анықтау: «Жас мұғалімдердің кәсіподақ мүшелігін ынталандыру»; «Кәсіподақтың құқық қорғау функцияларын жетілдіру»; «Жастар салауатты өмір салты үшін»; Ақпараттық кеңістік және жобалық менеджмент; Эмоционалды интеллект дегеніміз не және оны қалай дамыту керек; «Әлем мұғалім қолымен» шеберлік сағаты және тағы да басқа семинарлар мен тренингтер өтті.
«Әділет» Кәсіподағының Жастар кеңесінің мүшелері «Кәсіподақ жұмысын жандандырудағы жастардың рөлі мен тың бастамалары» тақырыбында семинар өткізді. Сонымен қатар қатысушыларға тренинг ұйымдастырды.
Жас ұстаздар бес күнге созылған жазғы лагер барысында ұлы ойшыл, қазақ мәдениеті мен әдебиетінің белгілі тұлғасы, ғұлама Мәшһүр-Жүсіп Көпейұлының кесенесіне, Қоңыр әулие үңгірі, Саймантас, Торайғыр көліне экскурсия ұйымдастырылды.
Салауатты өмір салтын насихаттау мақсатында эстафеталар, сонымен қатар «Асық ату», «Теңге алу», «Арқан тарту» ұлттық ойындары бойынша турнир өтті.
Әр топқа бөлінген ұстаздар жаңа жобалар әзірлеп, ортаға салды. Сонымен қатар «Кәсіподақ. Жастар. Өзгеріс пен даму» тақырыбында дебат ұйымдастырылды.
Форумның соңғы күнінде жабылу салтанаты өтті. Павлодар облыстық ұйымының төрағасы шараны қорытындылап, кәсіподақ активіне жоғары деңгейде ұйымдастырғаны үшін алғыс білдірді. Сонымен қатар қатысушыларға сертификаттар табыстап, жас ұстаздарға сәттілік тіледі.
«Әділет» Кәсіподағы атынан Павлодар облыстық ұйымының төрағасы Гүлбарам Науразбаеваға және Жастар кеңесіне ұстаздардың тәжірибе алмасуына мүмкіндік бергені үшін алғысымызды білдіреміз.