Қымбатты ұстаздар!
Сіздерді кәсіби мереке – Мұғалімдер күнімен шын жүректен құттықтаймын!
Елімізде Мұғалімдер күні бүгінгі күнге дейін қазан айының бірінші жексенбісінде аталып өтетін еді. Биыл Қазақстан Республикасы Үкіметінің қаулысына сәйкес 5-қазанға ауыстырылды. Бұл күні әлемнің 100-ден астам елінде «Дүниежүзілік мұғалімдер күні» аталып өтеді.
«Ұстаздық еткен жалықпас үйретуден балаға» - деген ұлы Абай бабамыз. Сіздердің жас ұрпақтың санасына сыналай енгізетін тәлім – тәрбие, үлгі - өнеге өлшеусіз.
Сіздер – жастардың болашағын айқындайсыздар, бүгін еккен дәндеріңіз ертеңгі жеңісті - жемісті күннің кепілі. Ұстаз болашақ азаматтарды ғана емес, бүкіл болашақ қоғамды қалыптастырады.
Осы кәсіби мереке қарсаңында Сіздерге дендеріңізге саулық, отбасыларыңызға ырыс пен береке, қызметтеріңізге толағай табыс тілеймін!